Cableman patay sa kuryente

MANILA, Philippines - Nasawi ang isang 35-anyos na lineman na nag­kaka­bit ng cable makaraang makuryente sa isang high tension wire ng Manila Electric Company (Meralco) at ma­bagok ang ulo sa semento sa kanyang pag­ bagsak, kama­ka­lawa ng hapon sa Las Piñas City. Hindi na umabot ng buhay sa paga­ mutan ang biktimang nakilalang si Raymund Sepe­ridad, cable installer ng SERDRN Cable Contractor, at naninirahan sa no. 700-A Daang Bakal street, Manda­lu­­yong City. Sa ulat ng Las Piñas police, naganap ang insidente dakong alas-3:50 ng hapon habang nag­kakabit si Seperi­dad ng linya ng cable television sa harapan ng isang basketball court sa may Tramo Road, Manuyo Uno, ng natu­rang lungsod. Nabatid na kasama ng nasawi si Ronilo Paduga, 31, cable agent. Sinabi ni Paduga na nag-aayos umano siya ng kableng gagamitin sa pagli­linya nang bigla siyang ma­karinig ng dalawang sunod na malakas na pagsabog at biglang pag­kawala ng supply ng kuryente. Nang tumingala siya sa itaas ng poste, wala na rito ang kanyang kasamahang si Seperidad at nakita na lamang niyang duguan ng nakahan­ dusay sa kalsada.