5 nagbebenta ng abortion pills, timbog

MANILA, Philippines - Timbog sa isinagawang buy-bust operation ang limang vendor sa aktong nagbebenta ng abortion pills o ‘Cytotec’, isang regulated drug sa tabi ng simbahan ng Quiapo, Maynila, kamakalawa ng gabi.

Kinilala ang mga nadakip na sina Mylene Busto, 41; Rommel Poblete, 30; Mike Baranga, 20; Doy Caparas, 40; at Yolanda Marquez, 24.

Sa ulat, dakong alas-7:30 ng gabi nang isagawa ang ope­rasyon malapit sa Quiapo Church, kung saan nakabili ang ilang police asset ng may 20 piraso ng Cytotec. Hindi umano umaamin ang mga vendor kung sinu-sino ang nagsu-suplay sa kanila ng nasabing droga na ginagamit sa pampalaglag ng mga babaeng ayaw ituloy ang pagbubuntis.