33 Pinay biktima ng human trafficking nasagip ng NBI

MANILA, Philippines - Nasa 33 Pinay na kinabibi­langan din ng ilang menor de edad ang nasagip ng mga ahente ng National Bureau of Investigation (NBI) mula sa isang safe house sa Las Piñas City na nakatakda na sanang magtungo sa Kuwait, kaha­pon ng umaga.

Ayon kay Head Agent Atty. Dante Bonoan, ng NBI-Anti-Human Trafficking Division (AHTRAD), 33 na mga kaba­baihan at karamihan umano dito ay pawang mga menor de edad kabilang ang mga ka­patid na Muslim na uma­no’y ni-recruit sa probinsya upang magtrabaho umano sa Kuwait bilang mga domestic helpers.

Ang operasyon ay isina­gawa dakong alas-8:00 ng umaga sa dalawang safe house sa Las Piñas City.

Hindi din pinangalanan ni Bonoan ang 33 mga kaba­baihan gayundin ang mga suspect na hinihinalang pa­wang miyembro ng sindikato ng human trafficking sa bansa.

Ang mga nasagip ay dinala sa NBI headquarters sa Taft Ave., Maynilla para tulu­ngan sa pagpapabalik sa kanilang mga lalawigan habang ang mga suspect ay nakatakdang sampahan ng kaukulang kaso habang nakadetine sa NBI detention facility.