Putol na katawan ng kelot natagpuan

MANILA, Philippines - Nagmistulang manananggal ang hindi pa naki­kilalang lalaki matapos matagpuan ang kalahating katawan nito sa Caloocan City kamakalawa ng gabi.

Sa report ng pulisya, dakong alas-9:30 ng gabi nang madis­kubre ang kalahating ibabang bahagi ng katawan ng isang lalaki na nakasilid sa sako sa Rainbow Village, Deparo ng lungsod na ito. Nabatid na napansin ng mga residente na nilalaro ng mga aso ang isang sako na may laman na naging dahilan upang tingnan ito.

Laking gulat ng mga usisero nang malaman na hating katawan ng isang lalaki ang laman ng sako kaya agad nila itong ipinagbigay-alam sa awtoridad. Kasalukuyan nang nagsasagawa ng follow-up operation ang mga pulis hinggil sa natagpuan putol na katawan ng isang lalaki.