Zebra nanganak ng kabayo sa Manila Zoo

MANILA, Philippines - Minsan pang pinatunayan ng zebra na nakakulong sa Ma­nila Zoo na walang impo­sible sa panahon ngayon ma­tapos na manganak ito ng isang kabayo noong Miyer­kules.

Ayon sa pamunuan ng Ma­nila Zoo, masusi nilang bi­na­ ban­tayan ang bagong pa­nga­nak na “hebra” o cross­breed ng zebra at kabayo bun­sod na rin ng posibilidad na magka­roon ito ng kompli­kasyon dulot ng magkaibang genes mula sa dalawang hayop.

Bagama’t nakikita ng pa­munuan ng Manila Zoo na ma­lusog at maayos ang ka­lusugan ng ‘hebra’ kailangan pa rin nila itong obserbahan. Nabatid na minsan ng nag­ka­roon ng “hebras” subalit san­dali lamang nabuhay bunga ng genetic complications.

Ang “hebra” ay kaunti la­mang kung kaya’t mahigpit na monitoring ang kanilang isi­nasagawa.

Ipinaliwanag pa ng Manila Zoo na mas binibigyan nila ng vitamins ang   inang zebra upang mas maraming gatas ang makukuha ng “hebra” .

Idinagdag pa ng pamu­nuan ng Manila Zoo na isang buwan sasailalim sa monitor­ing ang “hebra” bago siya ideklarang ligtas.