Judge sa kaso ni Jason Ivler, kumalas

MANILA, Philippines - Tuluyang nang nag-inhibit o binitawan na ng hukom ng Quezon City Regional Trial Court (QCRTC) na mahawa­kan nito ang kasong kriminal ng road rage suspect na si Jason Ivler.

Sa kanyang 2 pahinang order­, sinabi ni QCRTC Branch 77 Presiding Judge Alexander Balut na nagde­sisyon siya na mag-inhibit sa kaso upang maglaho na ang pag-aalinlangan ng prose­kusyon na siya ay may kiniki­lingan.

Marami ang nagulat ka­hapon sa desisyong ito ni Judge Balut dahil sa nag­daang mga hearing ay dala­wang beses niyang inisnab ang mga petisyon na bita­wan na nito ang paghawak sa naturang kaso.

Gayunman, sinabi ni Judge Balut na malaki ang kan­yang paniwala na naga­gawa niya ang lahat alinsu­nod sa itinatakda ng batas at konstitusyon at patas la­mang niyang napapa­nga­siwaan at nabibigyan ng hustisya ang isinagawang mga pagdinig sa mga hina­ha­wakang kaso.

Una nang inakusahan ng prosekusyon na bias ito sa pag­­­tratato sa kaso ng aku­sado

Sinabi ni Judge Balut na ang rekord ng kasong ito ay ibibigay sa tanggapan ng Exe­­cutive­ Judge sa pama­magitan ng Office of the Clerk of Court para sa re-raffle ng kaso.