2 biktima ng salvage natagpuan

MANILA, Philippines - Dalawang bangkay ng mga hindi pa nakikilalang lalaki na hinihinalang biktima ng “summary execution” ang natagpuan sa tapat ng isang subdibisyon, kahapon ng madaling-araw sa Caloocan City.

Inilarawan ang unang biktima na nasa pagitan ng edad na 30-40 habang ang ikalawang biktima naman ay nasa 37-45 anyos. Kap­ wa may mga tattoo sa kata­wan at mga nakabalot ng mga packaging tape ang ulo at mukha.

Sa ulat ng Caloocan police, dakong alas-3 ng ma­daling-araw nang matag­puan ng tindero ng taho na si Eduardo Reyes ang dala­wang magka­tabing bangkay sa Tindalo St. sa Malanting Amparo Subdivision, ng natu­rang lungsod.

Blangko naman ang mga awtoridad sa pagkakaki­lanlan ng mga salarin dahil sa ka­walan ng saksi.

May hinala ang mga awtori­dad na ang dalawang biktima ay pinatay sa ibang lugar at itinapon lang sa nasabing lugar para iligaw ang imbestigasyon ng pu­lisya.