Bebot pumalag sa holdap, tinodas

MANILA, Philippines - Patay ang isang babae matapos barilin ng isa sa tatlong hindi pa nakikilalang mga holdaper matapos pumalag ang una sa Caloocan City kahapon ng hapon.

Dead-on-the-spot sanhi ng dalawang tama ng bala sa ulo ang biktimang tinatayang nasa edad 30 hanggang 35, mahaba ang buhok, naka-itim na blouse at printed na pants.

Sa report ng pulisya, alas-2:30 kahapon ng hapon, hinol­dap­ ng mga suspect ang biktima sa loob ng Bonifacio Market, sa Monu­mento ng lungsod na ito.

Nanlaban ang biktima na naging dahilan upang pagba­barilin ng isa sa mga suspect bago nagsitakas dala ang bag ng biktima.

Nagsasagawa na nang follow-up operation ang mga pulis hinggil sa nasabing insidente.