Banggaan ng 2 kotse: Negosyante dedo

MANILA, Philippines - Isang negosyante ang iniulat na nasawi makaraan ang salpukan ng dalawang sasakyan sa lungsod Quezon, iniulat kahapon.

Kinilala ang nasawi na si Rodolfo Lingan, 52, ng 43-D, Matapat St., Brgy. Pinyahan sa lungsod.

Ang nakabanggaan na­man nitong Mercedez Benz ay mi­namaneho naman ng isang Gismundo Tameta Jr., 40, family­ driver ng St. Anthony Anti­polo City.

Ayon sa ulat, nangyari ang insidente sa may kahabaan ng C.P Garcia St., harap ng Daan Tubo Area, Brgy. UP campus pasado alas-5 ng hapon.

Bago ito, sakay umano ng minamanehong Mercedez Benz MB 100 van (UKB-738) si Tameta at tinatahak ang C. P Garcia St., papunta sa di­rek­­syon ng Velasquez St., patu­ngong Katipunan Avenue nang biglang sumulpot galing sa opposite direction ang mi­nama­nehong Toyota Altis (XGG-321) ng biktima at sumalpok sa una.

Sa lakas ng impact, kapwa nawasak ang dalawang sa­sak­­yan na naging ugat upang magtamo ng matinding sugat ang biktima.

Agad namang isinugod sa Quirino Memorial Medical Center si Lingan ngunit idi­neklara din itong patay. Pa­tuloy ang pag­sisiyasat ng awtoridad sa na­sabing insi­dente.