Interconnectivity project ng LTO suportado ng transport groups

MANILA, Philippines - Tahasang sinabi ng iba’t ibang transport leaders sa bansa mula sa hanay ng mga pampasaherong dyip na todo ang kanilang suporta sa inter­connectivity project ng Land Transportation Office (LTO) at Land Transportation Franchising and Regulatory Board (LTFRB) upang tuluyan ng ma­wakasan ang pamama­yagpag ng mga out of line vehicles at kolorum sa lansangan.

 Ayon kay Obet Martin, pre­si­dente ng PASANG MASDA, ikinagagalak ng kanilang grupo ang magandang idudulot ng LTO-LTFRB interconnectivity project dahil mapapabilis din nito ang sistema ng pagre­rehistro ng kanilang mga pam­pasaherong sasakyan at maka­kaiwas na ang mga PUV operators na mabiktima ng pe­keng prangkisa at ng maha­bang pila.

Halos ganito rin ang naging pahayag ni Efren De Luna, pre­sidente ng Alliance of Concerned Transport Organization ( ACTO) na kapag naipatupad na ang naturang intercon­nec­tivity project, gaganda na ang kita ng mga tsuper na maiuuwi sa kanilang mga pamilya dahil nawalis na ang mga kolorum at out of line vehicles na karani­wang umaagaw sa pasahero ng mga lehitimong tsuper.

Naniniwala naman si 1 Uni­ted Transport Koalisyon (1 UTAK) representative Atty. Vigor Mendoza na ito na ang tamang panahon upang mag­sanib ang dalawang ahensiya sa pama­magitan ng intercon­nectivity project, aniya bukod sa magiging maayos na ang tran­saksiyon sa dalawang nabang­git na ahen­siya ay walang dag­dag na singilin na ipapatupad sa mga PUV operators sa halip ang anu­mang dagdag singilin ay ba­balikatin ng Passenger Accident Management Inc. (PAMI).

Sa pamamagitan ng LTO-LTFRB Interconnectivity project, gagamit ng isang web based system na tinawag na Franchise Confirmation Uploading Facility (FCUF) bukod sa magi­ging madali at mabilis ang pro­seso, ang FCUF ay isang maka­bagong sistema sa pagku­kumpirma sa mga prangkisa sa LTFRB bago pa man ito irehistro sa LTO.