Obrero todas sa hit and run

MANILA, Philippines - Isang 27-anyos na cons­truction worker ang nasawi matapos itong masagasaan ng isang rumaragasang pam­pasa­he­rong bus sa ka­habaan ng EDSA Avenue sa Ma­kati City kahapon ng ma­daling-araw.

Binawian ng buhay ha­bang ginagamot sa Ospital ng Makati ang biktimang si Mico Gino Baul, ng #988 G.G. Cruz, Baclaran, Para­ñaque City.

Sa imbestigasyon ni PO3 Marvin Mendoza, ng Makati City Traffic Enforcement Unit, naganap ang insidente sa loading-unloading bay area dakong alas-3 ng madaling- araw sa South-bound, panu­lukan ng EDSA Avenue at Man­trade, ng nabanggit na siyudad.

Nakatayo at nag-aabang ng masasakyang bus ang biktima nang bigla itong saga­saan ng bus na humaharurot. Hindi naman nakuha ang pa­ngalan at plaka ng bus.

Tumilapon ng ilang metro ang biktima subalit hindi naman ito hinintuan ng driver. Nagsasagawa na ng follow-up operation ang mga awtoridad upang matukoy ang bus at pagka­kakilanlan ng driver na tumakas.