MANILA, Philippines - Sa darating na linggo, tatlong araw na titigil muna ang operasyon ng Angat dam sa Bulacan dahil sa patuloy na pagbaba ng water level nito.
Ayon kay Angat Dam general manager Rodolfo German, ang water reservoir ay suspendido muna mula Hulyo 7 hanggang Hulyo 9 upang maprotektahan ang turbine blades ng dam at maipahinga muna ang makina nito.
Gayunman, tiniyak ni German na hindi naman maaapektuhan ang suplay ng tubig sa Metro Manila bagamat tatlong araw na tigil ang operasyon ng naturang dam.
Ang Angat Dam ang pangunahing nagsusuplay ng tubig sa metro Manila.
Umaasa rin si German na magkaroon na ng sapat na dami ng ulan na magpapa taas ng water level sa dam.