Caloocan police sangkot: 5 carnap, murder suspects timbog

MANILA, Philippines - Arestado ang limang kalalakihan kabilang na ang isang bagitong pulis na nagkuntsabahan sa pagpatay sa isang lalaki matapos na kar­na­pin ang sports utility vehicle nito kamaka­lawa ng gabi sa Caloo­can City.

Nakilala ang mga nadakip na sina PO1 Rey­naldo Nuque, na­katalaga sa Northern Police District, ng Tu­gatog, Malabon City; Willy Ciano, ng Muzon, Taytay, Rizal; Robin Barlan, ng Balangkas, Valenzuela City; Christopher Dikit, ng Mey­cauayan, Bulacan; at Joseph Dela Cruz, ng Malabon City.

Ang limang suspect ang itinuturong respon­sable sa pagpaslang sa bik­timang si Jess Noel Litao, na tinatayang nasa 28-35 , may taas na 5’5”, maputi, masku­lado, at nakasuot ng asul na t-shirt nang ma­ganap ang krimen.

Sa ulat ng Caloocan police, naganap ang in­sidente dakong alas-7 ng gabi sa may Bag­ba­guin Road, Bagum­bong, ng naturang lungsod.

Nagpapatrulya ang mga barangay tanod sa lugar nang makarinig ng sunud-sunod na putok ng baril na agad nilang ni­respondehan.

Dito nakita ng mga tanod ang duguang si Litao. Agad namang ini­ulat ng mga tanod ang krimen sa Caloocan police at Meycauayan, Bu­lacan police na nag­sagawa ng operasyon at nagresulta sa pagka­kadakip sa apat na mga suspect na lulan ng puting Mitsubishi Adventure (ZRN-604) na tina­ngay nila kay Litao.

Nasakote naman sa isinagawang follow-up ope­ration ang pulis na si Nuque sa Monumento, Caloocan makaraan ang ilang oras.

Nahaharap ngayon ang mga suspect sa mga kasong carjacking at murder at pawang mga na­kaditine sa Ca­loocan detention cell. Sinampa­han rin ng ka­ukulang kasong ad­ministratibo si Nuque na posibleng mag­re­sulta sa pagkaka­sibak nito sa tungkulin.