MANILA, Philippines - Tahasang sinabi ni Manila 3rd District Councilor Atty. Joel Chua na pabor siya na ituro na sa elementary ang sex education subalit hindi sa kinder na nais ng Department of Health (DOH).
Ayon kay Chua, wala namang magagawa kung nais ng pamahalaan na ipatupad ang pagsasama sa subject ng elementarya subalit kailangan ang mahigpit na pagbabantay at limitasyon.
Sinabi ni Chua, na dapat na maipaliwanag ng pamahalaan kung hanggang saan ang dapat ituro at kung sino ang mga maaaring magturo ng sex education ng walang nilalabag na anumang batas.
Inamin din ni Chua na panahon na upang maging mulat ang mga elementary students upang maisip ng mga estudyante ang idudulot nito sa kaniila.
Mas mainam umano na ituro na lamang ang sex education sa paaralan sa halip na napapanood at nababasa pa ng mga estudyante lalo pat iba ang mga pagsasalarawan at paglalahad sa mga balita at kuwento sa mga babasahin at panoorin.
Aniya, masyadong bulgar ang mga gamiit na salita sa ilang mga pahayagan.