MANILA, Philippines - Patay sa pamamaril ang isang 33-anyos na estibador nang resbakan umano ng kaanak ng inupakan nito sa Binondo, Maynila, kamakalawa ng gabi.
Dead-on-the-spot ang biktimang si Jack de Guzman, binata, miyembro ng Sigue-Sigue Sputnik gang at walang perma-nenteng tirahan sanhi ng tinamong tama ng bala sa likurang bahagi ng ulo.
Sa ulat ni Det. Jonathan Bautista ng Manila Police District-Homi-cide Section, dakong alas-8:15 ng gabi nang maganap ang pamamaril sa center island ng C.M. Recto Ave., harapan ng Fiesta Shopping Plaza, Binondo, Maynila. Nabatid na nakaupo sa center island at nakikipag-usap ang biktima sa isang kakilala nang sumul-pot ang suspect sa likod at inasinta ng baril ang ulo ng biktima. Ma-bilis na tumakas ang sus-pect matapos ang isina-gawang krimen.
Sa pahayag ng live-in partner ng biktima na si Wilma dela Cruz, noong Miyerkules ay nakaaway umano ng biktima ang isang alyas “Ute”, na nakasuntukan at naospital sa Gat Andres Boni-facio Hos-pital kaya’t posibleng ang kaanak nito ang rumesbak.