Paslit lunod sa creek

MANILA, Philippines - Patay na nang matag-puan ang isang 5-anyos na batang babae matapos ma-dulas at ma-hulog sa isang creek hang-gang sa tinangay ng malakas na agos ng tubig kahapon ng umaga sa lung-sod ng Valen-zuela.

Nakilala ang nasawi na si Mylee Tumala, taga-San Agustin, Novaliches, Quezon City.

Sa imbestigasyon ng pu-lisya, alas-2 kamakalawa ng hapon ay naglalaro sa ulan ang biktima sa isang creek na malapit sa kanilang bahay nang bigla itong madulas at mahulog dito. Tinangay ng ma-lakas na agos ng tubig ang biktima hanggang sa hindi na ito nakita.

Binaybay ng amang si Danilo ang kahabaan ng creek hanggang sa makara-ting sa Barangay Bignay, Valenzuela City .

Alas-11 kahapon ng umaga, nakita ni Danilo ang bang-kay ng anak na lumu-lutang sa creek ng nabanggit na barangay.