7 timbog sa drug-bust

MANILA, Philippines - Inaresto ng pulisya ang pito katao kabilang ang isang walong buwang buntis sa isinagawang drug-bust opera­tion sa Caloocan City, kamakalawa.

Nakilala ang mga nadakip na sina Maria Leonora Paco, 20; Ricky Jimenez, 40; Leonardo Mosendo, 38; Tito Jay Gemora, 27; Lito Ebrano, 35; Jefferson Soriano, 21 at Christian Walden Jampot, 33. Nabatid na alas-10:30 ng gabi nang madakip ang mga suspek sa bahay ni Jimenez sa Congress, Ba­gumbong ng nabanggit na siyudad matapos maka­tanggap ng impormasyon ang pulisya hinggil sa pagbe­benta ng droga ni Jimenez.

Agad na isinagawa ang operasyon kung saan unang nadakip si Jimenez sa tapat ng bahay nito. Nang pasukin ang loob ng bahay ay naabutan ang iba pang mga suspek na sumisinghot ng shabu, kung saan naroon din ang buntis na si Paco.