Kredibilidad ng PETC system kinuwestiyon

MANILA, Philippines - Ibinunyag ng Strad­com Corporation, ang exclusive Information Technology service provider ng Land Transportation Office na karami­han sa lumalaking bilang ng mga Private Emission Testing Center sa bansa ay pag-aari o di kaya pi­namamahalaan ng mga mismong PETC IT providers din dahilan upang makitaan ito ng “conflict of interest.”

Sa ulat ng Stradcom sa LTO, kinuwestiyon nito ang kredibilidad ng kala­karan sa PETC system kaugnay sa pag-iisyu ng mga emission testing certificate of compliance na kung saan ito ay ma­ituturing na “at stake” dahil ang mga IT providers din ang mga may-ari ng emission testing centers­. 

Kinuwestiyon pa ng Stradcom ang tinatawag na “functional usage system ng mga IT providers kabilang ang ipinag­mamalaki nitong “eagle-eye” camera system na kanilang ginaga­mit upang makontrol “daw” ang non-appe­rance emission tes­ting­.

Sinabi pa ng Strad­com na ang kasaluku­yang sistema ng PETC ay madaling abusuhin at imanipula ng mga tiwa­ling tauhan ng mga PETC IT providers at PETC owners. Base sa isina­ga­wang “random checking” ng Stradcom sa mga sasak­yang bumi­bi­yahe sa Metro Manila, lumalabas umano na ma­rami pa din ang smoke belchers sa lan­ sa­ngan kaya nakaka­pagtaka uma­­no kung paano sila naka­kapasa sa emission testing o nakakakuha ng emission testing certi­ficate.