Partido politikal magkaisa na - Joey de Venecia

MANILA, Philippines - Nanawagan kahapon si Pwersa ng Masang Pili­pino (PMP) senatorial can­di­date Joey de Venecia III sa lahat ng partido-politikal na magkaisa matapos maproklama ng Kongreso  ang mga nanalong  kandi­dato na tumakbo sa mga national positions.

Kasabay nito’y binabati rin ni De Venecia ang lahat ng kandidato sa pagka-senador na napabilang sa Magic 12 na naiproklama ng Commission on Elect­ions gayundin ang kan­yang pasasalamat sa  may 9 milyong Pilipino na nag­tiwala sa kanya nitong nag­daang eleksyon

Ipinangako ng batang De Venecia na kahit nasa pribadong sektor siya, itu­tuloy pa rin niya ang pag­laban sa katiwalian at pag­susulong sa pagtayo ng iba’t ibang inprastruktura; at ang paggamit ng com­puter at internet ng ating mahihirap na kababayan.

“Nais kong pasalama­tan ang aking mga kaibi­gan, taga-suporta at mi­yem­bro ng aking pamilya na naging katuwang ko sa kauna-unahang paglusong sa politika. Tayo ay nagta­gumpay sa paglulunsad ng isang marangal na kam­panya na naka-base la­mang sa isyu. Batid ko ang tiwala at resposibilidad na iniatang sa akin ng siyam na milyong botante,” ani pa ni De Venecia.

Higit sa lahat ay kaila­ngan ng pagkakaisa, ayon kay de Venecia bilang ma­bilis na paraan upang agad na makabangon ang bansa.