Rider dedo sa dump truck

MANILA, Philippines - Patay ang isang rider nang mahagip ng isang taxi na nang tumilapon nabasag ang bungo at halos humiwalay na sa katawan ang ulo at pagka­tapos ay nasagasaan pa ng isang dump truck, sa Tondo, Maynila, kamaka­lawa ng gabi.

Dead on the spot ang biktimang si Richemon Recio, ng 21 R. Padilla St., San Jose, Navotas City.

Patuloy pang inaalam ang pagkikilanlan ng driver ng dump truck na hindi naplakahan na mabilis namang tumakas.

Sa inisyal na ulat, da­kong alas-8:30 ng gabi nang maganap ang insi­dente sa Road 10, Zara­gosa St., Tondo, Maynila.

Nabatid na minama­neho ng biktima ang kan­yang motorsiklo (3761 TK) patungong  southbound lane nang mahagip ng isang taxi na kanyang naka­sabay.

Nawalan ng giya ang motorsiklo, bumangga pa ito sa kasabay niyang Nissan Vanette (UAA 511) at tuluyang tumilapon ang katawan nito mula sa motorsiklo at habang naka­handusay ay nasa­ gasaan ng rumaragasang dump truck na naging dahilan ng kanyang agad na kama­tayan.