MANILA, Philippines - Walang naganap na pagbabago sa area ng Caloocan, Malabon, Navotas at Valenzuela City (CAMANAVA) kung saan karamihan sa nanalo sa halalan ang mga dating nakaupo dito. Sa area ng Navotas City, pinalitan ni John Rey Tiangco ang kanyang kapatid na si Tobby sa pagka-mayor ng lungsod.
Naupo naman bilang kauna-unahang congressman ng lungsod si Tobby Tiangco matapos maging siyudad ang Navotas. Tulad ng magkapatid na Tiangco na walang kalaban, wala rin nakalaban sa pagka-mayor si Malabon Mayor Canuto Oreta kung saan nanalo naman si Jaye Lacson.
Sa Valenzuela City naman, mananatili sa puwesto si Mayor Sherwin Gatchalian, habang kongresista pa rin sa unang distrito ang kapatid nito na si Rex matapos magwagi ang mga ito sa kani-kanilang kalaban. Habang isinusulat ang balitang ito, malaki na ang lamang ni Caloocan City Mayor Enrico Echiverri laban kay dating Congressman Baby Asistio at nakakasiguro na rin sa kanilang panalo.