Kaso pa vs Lim

MANILA, Philippines - Muli na namang pinag­harap ng kasong katiwalian at malversation of public funds sa Ombudsman si Ma­nila Mayor Alfredo Lim kaugnay sa umanoy “ghost cheeseburger”.

Base sa 13 pahinang reklamo ni Atty. Reynaldo Bagatsing, sinabi nito na ma­­li­naw na lumabag umano sa Anti-Graft and Corrupt Practices Act at Local Government Code si Lim nang makipag­sab­watan,umano ito ka­sama ang iba pang opisyal ng lungsod na sina Manila City Hall Secretary to the Mayor Atty. Rafaelito Garayblas, City Hall officials Atty. Analyn Marcelo-Buan, Maria Lour­des Manlulu, Cherry Chao, Cecilia Sican, Leanie San­ding at Vicky Valientes para palabasin na bumili ito ng cheeseburger para naman sa isang pagtitipon.

Sinabi ni Bagatsing na nag­sabwatan umano ang mga respondent nang pal­sipikain umano ang resi­bong ipinalabas ng Angel’s Burger House at palitawing inilunsad ng Manila Ba­rangay Bureau ang Ba­rangay Peace Keeping Ac­tion sa lahat ng barangay sa Maynila noong Agosto 27, 2009.

Ang nasabing resibo ay ipinasok naman sa dis­bursement voucher na may petsang October 29, 2009 subalit ang katotohanan ay wala nang biniling 5,500 piraso ng cheeseburgers at wala ding pagtitipon na naganap. Matapos ma­pe­ke ang dalawang res­ibo na galing diumano sa Angel’s Burger House ay nakapaglalabas ng pondo ang City Treasurer of Ma­nila na nag­kakahalaga ng P221,250.