TRANSPORT GROUP UMALMA: 50 sentimos rollback sa gasolina

MANILA, Philippines - Nagpatupad kahapon ng P.50 sentimos na rollback sa presyo ng mga produktong petrolyo ang mga panguna­hing kompanya ng langis sa bansa.

Kabilang sa nagsagawa ng rollback ang Petron Corp., Chevron Philippines, Phoenix Petroleum, Seaoil, Eastern Petroleum at Jetti.

Sa kabila ng pagtanggi na walang nagaganap na kartel o monopolya sa presyo ng langis, pawang mga produkto lamang ng gasolina (regular, premium at unleaded) ang ibinaba ng P.50 sentimos ng naturang mga kompanya.

Matatandaan na mula noong Marso ay tatlong beses nang nagpatupad ng oil price hike ang mga kompanya ng langis na aabot sa total na P2 kada litro. Nagtaas ang mga ito ng P1 kada litro noong Marso 3, sinundan ng P.50 noong Marso 9 at pinakahuli nitong Abril 6 na P.50 kada litro.

Samantala, mariing kinon­dena ng militanteng transport group na Pinagkaisang Sa­ma­han ng mga tsuper at Ope­rators Nationwide (PISTON)  ang na­ganap na 50 sentimos na  roll­back sa presyo ng ga­so­lina  at walang  bawas presyo sa halaga ng diesel.

Sinabi ni George San Ma­teo, Secretary General ng  Pis­ton, balewala lamang at walang epekto sa kanila ang  kakaram­pot na 50 sentimos bawas pres­yo ng  gasolina

Aniya, ang kakarampot na oil price rollback ay epekto ng ma­tinding pressure na idinulot ng ma­tagumpay na transport cara­van ng Piston sa Men­diola. Tahasan na­mang ipina­abot ng Piston sa pamaha­laan na da­pat  ay big-time rollback na P8 ang ipa­tupad ng mga oil com­pa­­nies upang maibsan ang hirap ng mga  tsuper  sa bansa.