Direct connectivity ng Stradcom sa PETC, pinabubusisi ni Suansing

MANILA, Philippines - Paiimbestigahan ni LTO Chief Alberto Suan­sing  ang ginawang direct connectivity ng IT pro­vider ng ahensiya na Stradcom Corporation sa mga Pri­ vate Emission Test Center (PETC) sa pag-upload ng doku­mento ng mga na­ipasu­ring sasakyan na irere­his­­tro rito.

Ayon kay Suansing,  nais niyang malaman kung talagang nakaka­tulong  sa ahensiya ang hakbang na ito o nagpa­palala lamang sa kundis­yon ng polusyon sa hangin.

Una nang napaulat na dumami na naman ang bilang ng mga mauusok na sasakyan dahilan sa direct connectivity ng Strad­com at PETC at hindi na nito (PETC-IT) na­bubusisi ang re­kord ng mga sasakyan na du­maan sa emission test.

Sinasabing dahil sa sistemang ito na pina­tupad ni dating LTO Chief Arturo Lomibao, umaabot ng hanggang alas-7 ng gabi ang transaksyon sa direktang pagkonekta ng ilang PETC sa Stradcom gayung dapat ay hang­gang alas-4 ng hapon lamang ito alinsunod sa regular na transaksiyon sa LTO.

Ang usok ng mga sa­sakyan ang number 1 pollutant sa bansa parti­kular sa Metro Manila na isa sa dahilan sa pag­dumi ng kapaligiran at climate change.