Parak, 5 pa timbog sa drug-bust

MANILA, Philippines - Nalambat ng opera­tiba ng QCPD- Anti-Illegal Drugs (QCPDAID) ang anim na hinihinalang tulak ng droga kabilang ang isang pulis sa isina­ga­wang buy-bust opera­tion dito kamakalawa.

Kinilala ang mga sus­pect na sina PO1 Elmer Anong, nakatalaga  sa PNP Region 3 Provincial Public Safety Manage­ment Batallion; kapatid  na si Casmel Anong, 31; Albacer Jaraha, 32; Kaibaer  Abubakar, 34; Joromel Jomaani, 34; Rizal Sarri, 44, pawang nakatira  sa Brgy. Culiat, sa lungsod.

Ayon sa ulat, nadakip ang mga suspect sa isinagawang operation sa Salam Mosque com­pound ganap na alas -8 ng gabi.Bago nito, ma­tagal umanong sinurveil­lance ng pulisya ang lugar base sa impormas­yong hayagan ang pag­be­­benta dito ng droga.

Nang magpositibo ay agad na inihanda ang ope­rasyon kung saan unang nadakip si Cas­mel. Kasunod nito. pinag­dadampot din ang nala­labing mga suspect na nagsisilbing look-out sa iligal na transaksyon sa nabanggit na lugar.