Tauhan ng Comelec nalunod

MANILA, Philippines - Trahedya ang sinapit ng dapa’t sanay masa­yang outing ng isang em­pleyado ng Commission on Elections maka­raang masawi ito nang ma­lunod sa nirentahang private pool kamakalawa ng hapon sa Caloocan City.

Nakilala ang nasawi na si Roneillo Pelino, 28-anyos, residente ng Phase 6, Ilang-Ilang Street, Camarin ng na­turang lunsod.

Sa ulat ng Caloocan police, nirentahan ng grupo ni Pelino ang pri­badong swimming pool sa Main Road, Phase 6, Camarin kama­kalawa.

Dakong alas-4 ng hapon nag-alisan na ang grupo subalit hindi na­pansin ng mga ito na hindi na nila kasama sa pag-uwi ang biktima.

Pumalit sa grupo ni Pelino ang mga miyem­bro ng Marriage Encounter religious group na siyang nakakita sa bang­kay ng biktima sa swimming pool na naging da­hilan upang itawag sa mga pulis.