Rice allowance ng Quezon City hall employees, aprub na

MANILA, Philippines - Inaprubahan na ni Quezon City Mayor Feliciano “SB” Belmonte Jr. ang paglalaan ng P1,000 quarterly rice assistance sa mga regular employees ng QC hall.

Sa isang  memorandum circular, inutos ni SB ang pagpa­palabas sa naturang pondo mula sa  city executive budget ngayong taon para maipatupad ang  pagkakaloob ng dagdag na benepisyo sa mga empleado simula sa pagtatapos ng buwan ng Marso  ng  taong ito.

Naglaan ang pamahalaang lungsod ng halagang  P10 milyon para sa naturang rice assistance.

Sinabi pa ni Mayor Belmonte na ang hakbang ay bilang token sa patuloy na suporta ng mga tauhan sa pagpapasigla ng ekonomiya ng lungsod. (Angie dela Cruz)