Cook ginising para lamang holdapin

MANILA, Philippines - Isang cook ang ginising ng tatlong kalalakihan para la­mang holdapin sa Na­votas City kahapon ng madaling-araw.

Kinilala ang biktima na si Ryan Campos, 20.

Nadakip naman ang mga suspek na  sina Rey Ofras­pres, 19; Michael Cadit, 24 at Mark Anthony Noma, 19, pa­wang mga taga-Barangay Tumana ng nabanggit na siyudad.

Sa imbestigasyon ng pu­lisya naganap ang insi­dente dakong ala-1 ng ma­daling-araw habang ang biktima ay mahimbing na natutulog sa may upuan malapit sa pinapa­sukan nitong restaurant sa Lutong Haybol Restaurant, na mata­tagpuan sa kahabaan ng Bangus St., North Bay Boulevard, Na­votas City.

Ginising ng mga suspek ang biktima at nang dumilat na ang huli ay doon na ito tinu­tukan ng patalim at nag­­­dek­lara ng holdap.

Kinuha ng mga suspek ang P1,000 cash ng bik­tima bago nagsitakas habang nakahingi naman ng tulong si Campos sa mga barangay tanod.

Sa isinagawang follow-up operation ay nadakip ang mga suspek subalit hindi na na­bawi ang pera ng biktima. (Lordeth Bo­nilla)