Dahil sa pag-ibig, binata nagbigti

MANILA, Philippines - Dahil sa problema sa pag-ibig, isang binatang ne­gosyante ang nagpaka­matay sa pamamagitan ng pagbigti sa sarili sa lung­sod Quezon, ayon sa pu­lisya kahapon.

Kinilala ang nasawi na si Andrei John Austria, 23, buy and sell agent ng sa­sakyan at residente ng Har­vard St., Greenview Subd., Brgy. Sauyo sa lungsod.

Ayon sa ulat ng pulisya, nadiskubre ang bangkay ng biktima ng kanyang inang si Aling Elma pasado alas-12 ng tanghali.

Bago ito, dahil sa hindi lumalabas ang anak sa kuwarto ay nagpasyang puntahan ito ng inang si Aling Elma. Ngunit, ilang ulit na umanong kuma­katok sa pintuan si Aling Elma ay hindi sumasagot ang anak at naka-lock din ang pin­tuan nito, dahilan upang humingi siya ng tulong sa ibang kaanak at awtoridad para mabuksan ang pinto. Sa puntong ito, nang ma­buksan ang pin­tuan ay  tumambad sa ka­nila ang bik­tima na naka­bitin sa kisame gamit ang sinturon at nakasuot lamang ng boxer’s shorts.

Ayon sa pulisya, prob­lema umano sa pag-ibig ang ugat ng pagpapaka­matay ng biktima, bagay na patuloy pa ring ini­imbes­­tigahan sa ngayon. (Ricky Tulipat)