Kaso ni Cuerpo pinaaaksyunan

RODRIGUEZ, RIZAL, Philippines - Nanawagan kahapon ang ilang residente ng bayang ito sa Office of the Ombudsman na aksyunan na ang matagal nang nakabimbing kasong administratibo laban sa sus­ pendidong si Mayor Pedro Cuerpo kaugnay ng pagkaka­sangkot umano nito sa “illegal logging” sa lala­wigang ito.

Base sa rekord, isinampa ng DENR ang kasong ad­ministratibo laban kay Cuerpo noong Agosto 2006.

Ito’y makaraang masa­kote ng mga tauhan ng DENR ang isang delivery ng 1,062 pirasong trosong Lauan at Narra na nagkaka­halaga ng P1.5 milyon noong Hunyo 22, 2006 na gaga­mitin umano sa paggawa ng paaralan sa Rodriguez sa kabila ng umiiral na “log ban.”

Ayon kay DENR Region 3 Director Regidor de Leon, nagpalabas ng isang undated memorandum si Cu­erpo sa isang nagnganga­lang Carlito Ciriaco para kunin ang mga logs mula sa Barangay Puray para ga­ mitin sa paaralan. Ki­nuha ang nasabing mga troso sa Angat Water Basin, ang siyang nga­yon ay pinag­kukunan ng maraming kuryente lalo sa Metro Manila at Luzon. (Danilo Garcia)