MANILA, Philippines - Sumuko kay Manila Mayor Alfredo Lim ang apat na teenager na pumatay sa volunteer staff ng isang Manila councilor at nakasugat ng isa pa sa naganap na rambol noong Linggo sa Solis St., Tondo, Maynila. Kinilala ang mga ito na sina Reyven Nemiada, 17; Ardie Timonera, 17; James Gerald Silva, 17 at Frederick Zabala, 17. Ang apat ang itinuturong pumatay kay John Paul Lopez, 16; at sumugat kay Kevin Acosta.
Inamin ng mga suspect na kinukursunada nila ang mga biktima bilang bahagi ng kanilang pagpapakilala sa kanilang grupong Undaunted Hood (UH) na ilang buwan pa lamang na naitatag.
Dito ay pinagtulungang pagsasaksakin ng mga suspect si Lopez habang pinalo naman ng bato si Acosta. (Doris Franche)