Bebot tumalon sa Lacson bridge, todas

MANILA, Philippines - Isang hindi pa nakikilalang babae ang nasawi makara­ang tumalon sa Lacson bridge sa Quiapo, May­nila kahapon ng umaga.

Binawian ng buhay sa Jose Reyes Memorial Medical Center (JRMMC) ang hindi pa nakikilalang biktima na tina­ tayang nasa gulang na 25-31-anyos.  Walang inireport sa alin­­mang istasyon ng Manila Police District (MPD) ang insi­dente bagamat naka-blotter ito sa JRRMC patients blotter.

Ayon sa security guard ng ospital, dakong alas- 6:44 ng umaga kahapon  nang isugod ng isang Carlos Purification ang babaeng tumalon umano sa bridge na agad na­mang bi­nigyan ng atensiyon ng emer­gency duty doctors subalit idineklarang patay dakong alas-7:03 ng umaga kahapon.

Sa pahayag ng informa­tion clerk ng JRRMC, hindi pa umano kilala ang babae.

Ang insidente ay hindi nairekord maging sa MPD-Homicide Section,  sa MPD-District Tactical Operation Center (DTOC) o maging sa MPD-Station 3 at Plaza Mi­randa-Police Community Pre­cinct (PCP). (Ludy Bermudo)