MANILA, Philippines - Pinaniniwalaang biktima ng summary execution ang isang hindi pa kilalang lalaki na natagpuang tadtad ng saksak ng ice pick sa tapat ng puso, may bakas ng pagkakabigti sa leeg at itinapon lamang sa ilalim ng McArthur Bridge, sa Plaza Lawton, kahapon ng madaling-araw.
Inilarawan ang biktima na nasa 38-46 anyos, kalbo, 5’6’’ hanggang 5’7’’ ang taas, tadtad ng tattoo ang katawan, nakasuot ng maong na pantalon, t-shirt na puti at rubber shoes.
Sa ulat, namataan lamang ng isang lalaking napadaan sa lugar ang nakahandusay na bangkay sa ilalim ng McArthur Bridge sa likod ng Philippine Post Office Building, sa Muelle del Rio.
Posibleng sa ibang lugar umano pinatay ang biktima dahil wa lang bakas ng dugo sa lugar at tuyo na ang mga dugo sa katawan nang ito ay matagpuan. (Ludy Bermudo)