Dalaga nagbaril sa sentido

MANILA, Philippines - Dala ng depression, isang 21 -anyos na dalaga ang nagpakamatay sa pamamagitan ng pagbaril sa sentido sa lungsod Quezon, ayon sa pulisya kahapon.

Nakilala ang nasawi na si Karla Antonette Escoto, ng Unit 9B, Eagle Star Condominium, Fabian dela Rosa St., Loyola Heights sa lungsod.

Natagpuan siya ng nakababatang kapatid na si Carmela habang du­guang nakadapa sa sahig at hawak sa kanang ka­may ang baril.

Ayon sa pulisya, wala namang binanggit ang pa­milya kung ano ang da­hilan ng anak maliban sa ilang araw na daw nilang nakikitang malung­kot ito.

Sa pagsisiyasat, nag­tamo ng isang tama ng bala sa kanang sentido ang biktima na naglagos sa kaliwa niyang tenga.

Isang kalibre .9mm na baril ang natagpuan sa lugar na pinaniniwalaang gina­mit ng biktima sa kanyang pagpapati­wakal. (Ricky Tulipat)