Car plates na nagtatapos sa 1, hindi huhulihin - LTO

MANILA, Philippines - Ipinag-utos ni Land Transportation Office (LTO) Chief Arturo Lomi­bao sa lahat ng tauhan nito nationwide laluna sa law enforcement units ng ahensiya na huwag hu­lihin ang mga sasakyan na ang plaka ay nagta­tapos sa numero 1.

Sa ipinalabas na me­morandum order ni Lo­mibao sa kanyang mga tauhan na huwag hulihin at huwag pagmul­ta­hin ang mga driver at owners ng mga sasak­yan na may car plate ending 1 dahil sa kaku­langan na rin ng ahensiya ng 2010 stickers at year tags.

Sinabi ni Lomibao na biglaan ang pagtaas ng bilang ng mga nagre­histrong mga sasakyan sa pagpasok ng taong 2010 kaya’t nagkulang sila ng documented forms tulad ng stickers, tags gayundin anya ng or/cr.

Tiniyak naman ni Lomibao na sa Pebrero 8 ay babalik na sa normal ang sitwasyon ng mga kailangang dokumento sa LTO dahil darating na sa araw na ito ang re­quest nilang docu­mented forms ng ahen­siya. (Angie dela Cruz)