Jason at Marlene dinagdagan ng kaso

MANILA, Philippines - Naghain na kahapon ng karagdagang mga kasong kriminal ang Na­tional Bureau of Investi­gation laban sa mag-inang Marlene Aguilar at Jason Ivler sa Quezon City Prosecutor’s Office.

Si Ivler ay ipinagharap ng complex crime ng di­ rect assaults with frus­trated murder at complex crime of direct assaults with attempted murder bilang principal suspect ha­­bang ang inang si Mar­lene naman ay ac­com­plice naman sa mga kasong nabanggit ka­ugnay sa naganap na pag-aresto na nauwi sa pagkasugat sa dalawang ahente ng NBI sa loob ng kanilang taha­nan sa Blue Ridge Sub­division noong Enero 18.

Dalawang ahente ng NBI ang nasugatan nang makipagbarilan si Ivler sa mga awtoridad na uma­aresto sa kanya.

Hindi na umano ini­hain pa ang kasong il­legal possession of fire­arms dahil nakaugnay na umano ito sa kasong in­direct assaults.   

Si Marlene naman ay nadawit sa mga kasong kriminal nang makuha­nan siya ng earpiece gadget na ginamit sa komuni­kas­yon niya kay Ivler ha­bang nagaganap ang operas­yon noong Enero 18.

Kaugnay nito, sinabi ni NBI Director Nestor Man­taring na hindi pa lusot sa kaso si Asian Develop­ment Bank Bri­tish con­sultant Stephen Pol­lard, ang stepfather ni Ivler. Pi­nadalhan nila ito ng sum­mon upang mag­tungo sa Huwebes sa NBI para mag­bigay-linaw sa insidente.

Samantala nilinaw ng NBI na mali ang isinisi­gaw ng folk singer na si Fred­die Aguilar, tiyuhin ni Ivler, na ‘foul’ o ‘illegal search’ ang pagpasok sa kan­yang tahanan sa New Manila, Quezon City ng NBI operatives nang ha­napin si Ivler.

“Ang mga nagtungo doon ay hindi naman search warrant ang dala kundi warrant of arrest at lehitimo ang operasyon,” ani Head Agent Ross Bautista, executive officer ng Office of the Intel­ligence Services.

Napaulat din na want­ed din si Ivler sa drug traf­ficking sa United States umano. (Ludy Bermudo)