Kelot iniwan ng lover, nagbigti

MANILA, Philippines - Nakabigti at wala nang buhay nang madis­kubre ng isang kapit­bahay ang isang 26 anyos na lalaki makara­ang layasan ito ng kina­kasama nito sa inuupa­han nilang silid sa Malate, Maynila kamakalawa ng hapon.

Kinilala sa ulat ni C/ Insp. Erwin Margarejo, hepe ng Manila Police District-Homicide Section, ang bik­tima na si John Paul Magayores, helper at re­sidente ng 782 P. Gil St., Malate.

Nadiskubre lamang na patay na ang biktima dakong alas-5:30 ng hapon nitong Huwebes ng isang kapitbahay.

Ayon kay Margarejo, sinabi ng kapitbahay na noong Biyernes ng gabi ay nakita pa ang biktima na nakikipagtalo sa kan­yang live-in partner na hindi rin pinangalanan,

“Narinig nung kapit­bahay na parang may pagtatalo yung dalawa hanggang sa itong babae raw ay nag-alsa balutan at lumayas papuntang Marinduque,” ani Mar­garejo.

Kinabukasan, naisi­pan ng nasabing kapit­bahay na alamin kung ano ang nagyari sa pag-aaway dahil hindi na lumabas ng bahay sa maghapon ang biktima.

Matapos umano ka­tukin ng paulit-ulit ay walang sumasagot at nakakandado ang loob ng kuwarto ng biktima kaya pwersahan uma­nong binuksan ng kapit­bahay ang pintuan at doon nakita ang naka­bigting bangkay nito. (Ludy Bermudo)