Taas pasahe sa taxi, ihihirit sa LTFRB

MANILA, Philippines - Hihirit ng taas pasahe sa  Land Transportation Fran­chising and Regulatory Board (LTFRB) ang mga taxi ope­rators dahil sa isa na namang pagtaas ng presyo ng pro­duktong petrolyo.

Sinabi ni Philippine Na­tional Taxi Operators Asso­ciation (PNTOA)  president Manuel Suntay, igigiit na nila ang fare hike sa LTFRB dahil hindi na nila makaya­nan ang patuloy na pag­taas ng halaga ng mga pro­duktong petrolyo gayung kakarampot ang kita sa pasada ngayon ng mga taxi.

May anim na taon na anya silang hindi humirit ng fare hike bagamat patuloy ang pagtaas ng presyo ng produk­tong petrolyo taun taon.

“Pina-finalize namin ang draft ng petition. Within the week maisusu­mite na namin ito. Sana ma­intin­dihan ito ng mana­nakay namin,” pahayag ni Suntay.

Noong taong  2008 anya ang grupo ay nag­planong humingi ng taas pasahe sa taxi sa pama­magitan ng pag­ta­taas ng flagdown rate na mula P30  hanggang  P40 pero dahil maraming unit ang guma­mit ng LPG hindi ito na­tuloy.

Gayunman, sa ngayon kahit Auto-LPG ay tumaas na rin ang presyo kaya’t hihingi na sila ngayon ng taas pasahe.

Binigyang-diin ni Sun­tay na ang mga pam­pasa­herong jeep at bus ay may 4 na beses nang nag­taas ng pasahe mula taong 2004, gayung ang taxi ay hindi pa natataasan ng pasahe.

Sa ngayon umaabot sa P30 ang flagdown rate ng taxi.