Abogado kritikal sa nakawan

MANILA, Philippines -  Nasa malubhang kalaga­yan ngayon ang isang abo­gado makaraang saksakin ng isa sa dalawang magna­nakaw na nanloob sa kan­yang bahay matapos na ma­gising ang biktima at ma­tiyem­puhan ang mga salarin kahapon ng madaling-araw sa Bagong Barrio, Caloocan City.

Inoobserbahan sa Ma­nila Central University Hos­pital sanhi ng saksak sa tiyan ang biktimang si Chris­topher Bel­tran, 50, residente ng Gen. Tinio st., Bagong Barrio.

Nabatid na nakuha ng mga magnanakaw ang isang cellphone at P4,000 cash ng anak ni Beltran nang pasukin ang kuwarto nito. Sinunod na pinasok naman ng mga magna­nakaw ang kuwarto ng biktima na na­gising nang makarinig ng mga kaluskos. Inagapan naman ng mga magnanakaw na hindi ma­kahingi ng saklolo ang bik­tima nang agad na sak­sakin sa sikmura bago mabilis na nagsitakas. (Danilo Garcia)