'De-bote' bawal din: Alahas, cellphone at mga bata huwag bitbitin sa prusisyon - WPD

MANILA, Philippines - Pinayuhan kahapon ni Manila Police District (MPD) Director C/Supt. Rodolfo Magtibay ang publiko na huwag nang magsuot ng alahas, mag­dala ng cellphone, mag­bit­bit ng mga bata upang makaiwas sa mga man­durukot, snatcher at dis­grasya sa pagdagsa ng milyong mamamanata ngayong araw na lalahok sa prusisyon ng Black Nazarene.

Bukod pa rito, bina­laan na rin ang mga lasing (de-bote) na de­boto ng Poong Naza­reno na huwag nang makisali sa prusisyon upang hindi magkaroon ng gulo at disgrasya na ibu­bunga ng pagiging lasing.

Kahit aniya, may 1,500 pulis ang ikakalat para uma­siste sa tradis­yunal na prusisyon, hindi pa rin ma­tu­tutukan ang lahat ng mga deboto lalo na sa mga petty crimes tulad ng pan­durukot.

Naniniwala na ma­aring dumoble ang kapal ng mga magtutungo sa Poong Nazareno na mag­mumula sa iba’t ibang lugar sa Metro Manila at iba pang la­- lawigan, matapos ang sunud-sunod na kalami­dad na naganap noong 2009.

Magsisimula ang misa dakong alas-6 ng umaga na pamumunuan ni Manila Archbishop Gau­dencio Ro­sales  habang alas-7:30 ng umaga si­simulan ang pru­sisyon sa Quirino Grand­stand. (Ludy Bermudo)