MANILA, Philippines - Isang naagnas na bangkay ng isang lalaki ang natagpuang nakabitin sa loob ng kanyang tinutuluyang condominium sa Brgy. Fairview, Quezon City kamakalawa.
Ang biktima ay kinilalang si Romeo de Jesus, 32, walang trabaho, nanunuluyan sa room 4244 Villa 4, Cluster 2, Sunny Villas condominium, Pearl St., Brgy. Fairview.
Nakuha sa lugar ang isang kahong naglalaman ng 16 na blangkong plastic sachet na may residue ng pinaniniwalaang shabu, dalawang rolyo ng aluminum foil, 17 aluminum plastic strips at 4 na disposable lighter.
Ayon sa ulat ng pulisya, ganap na alas-7:30 ng gabi nang matagpuan ang bangkay ng biktima ng isang Alberto Alo, caretaker ng nasabing condominium, habang nakabitin ito sa kanyang tinutuluyan. (Ricky Tulipat)