Ilegal na pagsasara sa kalsada sa Binondo, iimbestigahan ng konseho

MANILA, Philippines - Nakatakdang imbestigahan ng Kon­seho ng Lungsod ng Maynila sa pama­ma­gitan ng isang fact-finding committee na pangungunahan ni Manila 1st District Councilor Arlene Koa, Chairman ng Com­mitteee on Transportation and Parking ang pagkakasara ng mga kalsada sa lugar ng Binondo, dulot sa itinatayong bagong malls at condominiums malapit sa sikat na 168 Malls at 11/88 Wholesale Shopping Malls sanhi ng dagsang reklamo ng mga negosyante at motorista sa naturang lugar.

Ayon kay Koa, ang fact-finding commit­tee na sisiyasat sa pagkakasara ng mga kalsada gaya ng Sta. Elena, Felipe 11, at Meisic at dalawang iba pa ay pawang mga city streets. Ang naturang mga kalsada ay isinara sa publiko noon pang Agosto at Setyem­bre upang bigyang daan ang konstruk­siyon ng 33rd floor Twin Tower Condominium.

Iginiit ng Konsehala na labag sa batas ang pagpapasara ng anumang city streets sa Lungsod ng walang kaukulang apru­basyon mula sa City Council.

 Nakarating kay Koa ang sumbong ng maraming negosyante at motorista na na­apektuhan sa konstruksyon dahil sa hindi makapasok ang kanilang komersyo at produkto na tagusan patungo sa 168 malls at 11/88 Wholesale Shopping malls (dating Meisic Malls). Ang kinatitirikang lupa ay mula dala­wang dating eskwelahan na giniba at ibinenta noon ni dating Manila Mayor Lito Atienza – ang Jose Abad Santos HS at Rajah Sulayman HS.

Nabatid na wala rin koordinasyon mula kay Supt. Rizaldy Yap ng Manila Traffic Dis­­trict and Enforcement Office ang pag­ka­kasara ng mga nabanggit na kalsada na sanhi ng pagkakabuhul-buhol ng tra­piko. Sa panig ni Engr. Melvin Ba­lagot, chief ng City Building Office, binigyan nila ng dala­wang buwan notice ang con­tractors upang isaayos agad ang kon­truk­siyon sa lugar upang ma­buksan ang kalye bago pa man mag-Pasko.