MANILA, Philippines - Lasog ang katawan ng isang hindi nakikilalang pedestrian makaraang salpukin ito ng isang rumaragasang van habang papatawid sa kahabaan ng Commonwealth Avenue, Brgy. Batasan Hills sa Quezon City, iniulat kahapon. Dahil walang pagkakakilanlan, isinalarawan ang nasawi sa edad na 50-55 anyos, payat, nakasuot ng pulang t-shirt at itim na slack pants, at may taas na 5’7’’-5’8’’. Nabundol siya ng Mitsubishi Canter aluminum van (WEZ-955) na minamaneho ni Fredelino Perdigon, 38, ng Camarin, Caloocan City. (Ricky Tulipat)