2 kelot tiklo sa shabu

MANILA, Philippines - Dalawang lalaki ang naaresto ng mga tauhan ng Philippine National Police Security Group (Avsegroup) nang maku­ha­nan sila ng 400 gramo ng methamphetamine hy­drochloride o shabu sa mag­kahiwalay na depar­ture flight sa Ninoy Aquino International Airport kama­kalawa ng gabi at kahapon ng umaga.

Kinilala ng AVSE­GROUP ang mga suspek na sina Rolando Bello Pono na isang lUS pass­port holder ng Hagana, Guam at nagpakilalang isang landscape techni­cian; at Oscar Calingacion na isang obrero sa Dasma­riñas, Cavite. 

Patungo sana si Pono sa Guam habang papunta sa Bacolod City si Cali­nga­cion nang masabat sila sa final security check ng paliparan.

Nakuha kay Pono ang isang improvised garter belt na suot niya sa bay­wang at naglalaman ng 200 gramo ng shabu na sina­sabi niyang ipinadala lang sa kanya. Dalawang plastic bag ng shabu naman ang nakuha sa underwear ni Ca­lingacion. (Butch Quejada)