MANILA, Philippines - Mas mahigpit pang seguridad ang ipapatupad ng National Bureau of Investigation (NBI) sa labas at loob ng headquarters matapos makakalap ng intelligence report na may planong itakas si Datu Unsay Mayor Andal Ampatuan Jr., mula sa kanyang selda sa NBI.
Batay sa dokumentadong ulat, inilabas ng NBI ang direktiba mas lalong higpitan ang seguridad sa paligid ng tanggapan upang mapi gilan ang planong pagpupuslit sa pangunahing akusado sa Nov. 23, Maguindanao massacre.
Kabilang dito ang “strictly no parking policy” sa harapan ng NBI main office, sa Taft Avenue mula UN Avenue hanggang Padre Faura Sts., sa Ermita, Maynila.
Ikinandado na rin ang gate ng NBI malapit sa MPD-Station 5, bagamat maari lamang gamitin kung may sapat na bantay ng mga ahente, special investigator at security officers tulad ng dami ng bantay sa main gate.
Nauna rito, ang tinanggap na ulat na naka-check in ngayon sa ilang mga hotel sa Maynila ang mga galamay ng Ampatuan mula ng dalhin ang mayor sa NBI.