Art painter binurdahan ng saksak

MANILA, Philippines - Binurdahan ng sak­sak sa katawan ang isang 39-anyos na art painter ng hindi pa naki­kilalang salarin habang natutulog ang una kama­kalawa ng hapon sa Tondo, Maynila.

Tatlong saksak sa leeg at 13 sa likod ang ti­namo ng biktimang si George Bagtas, ng Lilac corner Bonifacio St., Vitas, Tondo, nang ma­tag­puan ng kaniyang ina.

Sa ulat ng pulisya, dakong alas-5:00 ng hapon nang madisku­breng patay na ang bik­tima ng kanyang ina na si Pacencia Bagtas sa loob ng kanilang bahay.

Nauna dito, dakong 11:00 noong Lunes ng gabi ay nag-inuman ang biktima at kaibigan nitong si Kenneth Magcasi, 17, binata at kapitbahay nito.

Natapos ang kanilang inuman dakong ala-1:00 ng madaling-araw at iniwan na lamang ni Mag­casi ang biktima hang­gang sa nakatulog ito.

Dakong alas-5:00 ng hapon nang dumating naman si Aling Pacencia kung saan nadiskubre na wala ng buhay ang anak.

Bukod sa tinamong mga saksak, nawawala rin ang Nokia N70 na cell­phone ng biktima. (Ludy Bermudo)