Islamic center sa Maynila pinamo-monitor ni Lim

MANILA, Philippines - Inatasan ni Manila Mayor Alredo Lim ang mga operatiba ng Manila Police District (MPD) na i-sur­veil­lance ang Islamic Center sa lungsod upang ma­iwa­san ang gulo na ma­aaring idulot ng tensyon na naga­ganap sa Maguin­danao.

Sinabi pa ng Alkalde na ang lokal na pamahalaan at kapulisan ay hindi hahayaang magkaroon ng kaguluhan sa Maynila.

Inatasan na rin ni Lim ang MPD na manmanan ang mga bagong mukha at posibleng pagpupuslit ng mga armas sa Islamic community.

Ang nasabing kautu­san ay bunsod sa pag -take over ng militar sa tat­long local government buildings sa Maguindanao province upang maiwasan ang kaguluhan habang sumusuko si Datu Unsay town Mayor Andal Am­patuan Jr. sa pulisya ka­hapon ng umaga.

Si Ampatuan Jr. ang sinasabing utak sa pag- ma­saker sa 57 katao sa bayan ng Ampatuan noong Lunes. (Gemma Amargo-Garcia)