Killer ng anak ng Palace exec madulas

MANILA, Philippines - Tila naging madulas ang killer ng anak ng isang opisyal ng Mala­kanyang matapos na mabigo ang mga awtori­dad na maaresto ito sa ginawang pagsalakay sa dalawang bahay sa lung­sod Quezon, ayon sa ulat kahapon ng pulisya.

Apat na grupo ng mga operatiba mula sa iba’t-ibang law enforcement units ang nagtu­ngo sa bahay ng itinutu­ring na suspek na si Jason Ivler sa Blueridge Subdivision sa kaha­baan ng Katipunan Ave­nue, Quezon City at sa ancestral house ng Aguilar family sa 7th Street, New Manila, sa nasabing lungsod ngu­nit hindi nila nagawang madakip ito.

Sinasabing si Ivler ay anak ni Marlene Aguilar, kapatid ng sikat na folk singer na si Freddie Aguilar. Ama ni Ivler ang British diplomat na si Stephen Pollard ng Asian Development Bank.

Hininala naman ng pulisya na nagtatago sa lalawigan ng Rizal ang suspek dahil merong farm doon ang pamil­yang Aguilar.

Magkasama sa pag­tugis kay Ivler ang mga unit ng National Bureau of Investigation-Special Action Unit, Highway Patrol Group, Criminal Investigation and Detention Unit ng Quezon City Police District at Special Weapon and Tactics.

Hiniling na rin ng mga awtoridad ang hold departure order laban kay Ivler upang mapi­gilan itong makalabas ng bansa.

Si Ivler ay panguna­hing suspek sa pagpa­tay kay Renato Victor Ebarle Jr., anak ni assistant secretary Renato Ebarle Sr, na nagliling­kod sa tang­gapan ng Presidential Chief of Staff.

Nag-ugat ang pama­maril kay Ebarle dahil sa simpleng away sa tra­piko sa Santolan Road, Quezon City noong Mi­yer­kules.