Anti drug drive sa Quezon City patitindihin

MANILA, Philippines - Higit na patitindihin ang buy-bust operations at mga  drug-related arrests sa Quezon City sa susunod na taon  upang maibsan at malipol na ang drug pushing at addiction  sa lunsod.

Ito ang sinabi ni QC  Vice Mayor Herbert Bautista  sa isang seremonya para sa Drug Abuse Prevention and Control Week ngayong linggong ito sa QC hall na may temang “Kilos Pamayanan, Droga’y Patuloy na Labanan.”   

Naniniwala si Bautista na ang tagumpay ng  drug campaign sa lunsod ay dahil sa matinding suporta ni QC Mayor  Feliciano  “SB” Belmonte Jr. sa mga  drug-related programs na naipatutupad ng iba’t ibang  law enforcement agencies sa bansa.

Sa kasalukuyan, may mahigit P1 bilyon halaga ng mga droga ang nasamsam sa lunsod mula 2001 hanggang sa ngayon sa ilalim ng  Belmonte administration. (Angie dela Cruz)