Pekeng STD clinic nagkalat

MANILA, Philippines - Inatasan kahapon ni Que­zon City Vice Mayor Herbert Bautista ang City Health Office nito na hilingin din sa Department of Health ang malawakang pagbusisi sa mga nagkalat na pekeng kli­nika na nambibiktima ng mga pasyenteng may sakit sa tulo, gonorrhea, venereal desease o ‘yong tinatawag na sexually transmitted disease.

Ang hakbang ay ginawa ni Bautista nang makatanggap ng reklamo na may mga ku­ma­kalat na pekeng STD clinic sa Quezon City.

Sinabi ng vice mayor na agad niyang ipasasara at ipa­kukulong ang mga may-ari ng pekeng klinika oras na mapa­tunayang positibo sa pambi­biktima ng mga pasyenteng may sakit na STD.

“Ang daming fees na hini­hingi kapag napunta ka sa mga pekeng clinic na ito. Sa laboratory fee pa lang, ubos ka na. Sa gamot na ipinagbi­bili nila, sobrang mahal. At kung ilang beses ka ring pababalikin para sa kung ano-anong bayarin,” pahayag ni Bautista.

Bukod dito, wala ring ka­tiyakan kung gagaling ang pasyente dahil hindi rin nakasiguro kung tunay na doktor ang tumitingin. (Angie dela Cruz)